2024
Dis alweer die begin van n nuwe
jaar al voel dit of 2023 net 6 maande lank was. Die skole het begin en ons
gemeente aktiwiteite het ook in volle swang afgeskop met die gebedsweek wat die
afgelope week deur Ds Johan aangebied is. Watter beter manier om n jaar te
begin deur in oordenking van God se Woord en in gebed die jaar toe te wy aan
ons Hemelse Vader wat tog in alles ons kom en gaan bepaal.
Tydens hierdie geleenthede het
Ds Johan afgesluit met die vrae op Wilma Botha se webblad “ Heuningdruppels”:
1. Waar is jy?
2. Wil jy gesond word?
3. Toe Jesus omkyk en sien dat hulle hon volg,
vra Hy vir hulle: Wat soek julle?
4. Waarom maak julle dit vir die vrou
moeilik?
5. Waarom is julle bang?
6. Waarom het julle sulke slegte gedagtes in
julle harte?
7. Wil julle nie ook weggaan nie?
8. Maar sal die Seun van die mens by Sy koms
nog geloof op die aarde vind?
9. Verstaan julle nie wat ek vir julle gedoen
het nie?
10. Wat is dit wat julle so ernstig onder
mekaar loop en bespreek?
11. Het jy My lief?
12. Wat staan in die wet van Moses geskryf?
Die vrae, gevra deur Jesus gedurende
Sy bediening op aarde is toegelig, elk deur die bypassende Bybelteks en konteks
en ook toegepas op ons eie lewens. Hoe sou ons Jesus hierop antwoord?
Die tydjie saam was van
onskatbare waarde vir die klompie mesnse wat dit bygewoon het omdat ons ook in
ons harte pynlik moes deurgrond oor wat ons antwoorde sou wees.
Worstel bietjie met hierdie vrae
sodat jou hart en gedagtes ook ingestel en voorberei kan word vir die eise wat
2024 weereens aan ons as gelowiges sal stel.
Mag elke gemeentelid hierdie jaar
nader aan God en Sy Woord groei, want dit is die enigste manier hoe ons staande
kan bly teen die aanslag van die lewe.